Olmmoš - Veli-Pekka Lehtola

Oanehis eallingeardi Govva: Studeanttafeasta luonddu salas 1977		RUOHTTASAT Boahttevaš dutki eadni lei sápmelaš Niillasaš Biret Biret-Ánne, Anni Pieski gii lei Boares Gáregasnjárggas Anárjoga gáttis eret. Su áhčči lei suopmelaš diehtogirječálli ja oahpaheaddji Teuvo Lehtola, gean áddjá fárrii Anárii 1800-logu loahpageahčen Gaska-Suomas Kärsämäki-nammasaš báikkis.
VP:A OAHPPAJAGIT ”Gáibidan buoret válbordálkkiid.” Ovtta albmá miellačájáhus Anára márkanis válboriid áigge 1977.		MAGISTTARA FÁRUS Gáregasnjárgga ruskabáikkis fiinna duottarguovllus 1991. Friddjadoaimmaheaddji mátkkoštii máŋgii Sápmái 1990-logus máŋggalágan guovlluide. Govva: Aki Paavola.
DOAVTTIRGAHPIR GIEĐAS Universitehta- ja dutkanmáilbmi doalvvui vuot iešguđet báikkiide 1990-logus. Iešguđetlágan girječállinbarggut movttiidahtte čállit nákkosgirjji 1997. Gurut bealde vuostenákkáhalli prof. Liisa Saariluoma ja guovdu kustos Liisi Huhtala.		UNIVERSITEHTAALMMÁI Kaleva-bláđi leaikatevdnejeaddji Jari Elsilä tevdnii ávvugova, go Giellagas-instituhtas ávvudedje 2005 ođđa virggi ja sámiid kultuvrra professora.
MÁILMMIS Riikkaidgaskasaš fearánasti finadii Devil´s Tower -vári vuolde Wyoming-oassestáhtas go lei mátkkošteamin Amerihká preeriain geasset 2010. Kamera doallan gieđas ja gova váldin oktanaga dagahedje ártegis moji.		BÁLKKAŠUMIT Veahkkeruđat leat sihkkarasttán dutkanvejolašvuođaid, goittotge veháš áigái. Govva Lapin kulttuurirahasto (Lappi kulturfoanda) ávvudoaluin 2007.