|
Mo čállin álggii?Lehtola muitala: “Čálligohten gaskaskuvla 3. luohkás. Ammahan dasa váikkuhii sihke čeahpes eatnigiela oahpaheaddji ja áhči árbi: áhčči Teuvo lei čállán nuorran noveallaid ja románagiehtačállagiid.” Son guđii western-bláđiid ja lohkagođii girjjiid, erenomažit Alistair MacLean ja Samuli Paulaharju girjjiid. Lehtola anii stuorra árvvus Samuli Paulaharju Tunturien yöpuolta -čoakkáldaga ja dan čállosat váikkuhedje maid su sánedujiide skuvllas. Skuvlačállosiid buorre nummiriid ilu hehttejedje dušše Irma-oappá moaitagat das, ahte ´donhan leat suoládan buot máidnasiid Paulaharju girjjis´. Lehtola vuittii logahagas maŋimuš studerenjagi áigge Nuori Voima -lihtu čállingilvvu. Studerema áigge teavsttat šaddagohte buorebun ja máŋggabealageabbon. Studeantaservviid bláđiide ja Oulu ylioppilaslehti -bláđđái son čálii sátnedujiid ja satiirraid. Bláđiide čállima bokte son oahpai čállit áššeteavsttaid ja kritihkaid. Girjjálašvuođa studeren goittotge bilidii čáppagirjjálašvuođas návddašeami! “Iežange čáppagirjjálaš-teavsttat báhce beavdelođái, go áššeprosa njamistii fárrui.“ |
|
